Møre og Romsdal fylkeskommune

Skulen har no køyrt vel ei veke med heimeundervising sidan vi publiserte første informasjonsbrevet i høve korona-situasjonen.Vi følgjer difor opp med ny informasjon om korleis veka har vore, og korleis vi planlegg skuledrifta vidare.

Informasjonsskrivet er sendt til foreldre/føresette via epost i dag, men du finn det også som vedlegg i høgremargen her på denne sida.

Fredag gjennomførte vi ei spørjegransking blant elevane våre, for å få innsyn i kva dei synes om den nye strukturen og innhaldet i fjernundervisinga (heimeundervisinga),  og svara på denne finn du også som vedlegg i høgremargen på denne sida.

Ta kontakt med skulen om de har ytterlegare spørsmål til oss.

Beste helsing

Skuleleiinga ved Volda vidaregåande skule.

Vi får mange spørsmål frå elevar og føresette om situasjonen vi er i no.

Informasjon / Information

NB! Vi oppdaga at brevet som vart sendt ut til føresette og det som først vart publisert her hadde feil telefonnummer til sentralbordet til skulen. Rett nummer er 71 28 23 00

For å forebygge ytterlegare smittespreiing, har fylkeskommunedirektøren i dag bestemt å stenge dei vidaregåande skolane. Stenginga gjeld frå og med 13. mars og gjeld i to veker.

Her finn de informasjon frå Møre og Romsdal fylkeskommune om råd og tiltak som er sette i verk pr. 11. mars 2020.

Vi har per i dag ingen varsel om at elevar eller tilsette hos oss har fått påvist smitte eller sit i karantene som følgje av koronaviruset. 

Møre og Romsdal fylkeskommune forheld seg til dei råda som Folkehelseinstituttet og Utdanningsdirektoratet går ut med. Sjå utdrag under og lenkjer for meir informasjon.

På grunn av koronaviruset har myndigheitene gått ut med unntak frå dokumentasjonskravet om erklæring frå lege/helsepersonell i høve 10%-regelen. Unntaket gjeld ut skuleåret.