Vi gler oss til å møte både nye og gamle elevar til første skuledag som er måndag 21. august 2023!
De skal då møte til desse tidspunkta:
Vg1 - Møter klokka 09.00 i Festsalen
Vg2 - Møter klokka 10.30 på klasseromet sitt (Sjå nedanfor)
Vg3 - Møter klokka 12.00 på klasseromet sitt (Sjå nedanfor)
Påbyggingsklassene møter klokka 10.00 i Festsalen
VG2 KL. 10:30
KLASSE | KONTAKTLÆRAR(-AR) | ROM |
2ST1 | Tove Nilsen Løset Ragnar Didrik Osdal | K205 |
2ST2 | Eva Ingeborg Solvang Brune Magne Maurset | K206 |
2ST3 | Ingrid Maria Løfoll Mette-Karin Leirvik | K204 |
2KDA | Pauline Masdal | K114 |
2MK1 | Åge André Breivik | R3 |
2MU1 | Marit Lid Skorstad Kjetil Eiksund | R4 |
VG 3 KL. 12:00
KLASSE | KONTAKTLÆRAR | ROM |
3ST1 | Ingvil Håberg Velle | K304 |
3ST2 | Kristin Mork | K305 |
3ST3 | Kjetil Bjørkedal | K306 |
3KDA | Dace Ose | K115 |
3MU1 | Kirsten Ragnhild Grimstad | R2 |
3MK1 | Jorid Vårdal | R1 |
Elevar som takkar ja til skuleplass på Vg1 ved Volda vidaregåande skule vil få ein sms frå og med 24. juli om å logge seg inn på skolestart.mrfylke.no. Der finn du viktig informasjon og du skal ein gjere nokre val. Det er viktig at de gjer desse vala så raskt som mogleg. Då er det størst sjanse for at du får det du ønsker deg.
Elevar som har hatt framandspråk på ungdomsskulen kan velje å halde fram med det same framandspråket på nivå II, eller velje eit nytt framandspråk på nivå I (for skuleåret 23/24 tilbyr vi Fransk for desse elevane). Elevar som IKKJE har hatt framandspråk på ungdomsskulen kan berre velje Tysk. Desse elevane har førsteprioritet på faget Tysk.
Valet du gjer på skolestart.mrfylke.no er å sjå som mellombels. Endeleg matematikkval og inndeling i 1T (teoretisk) og 1P (praktisk) skjer etter at skulen har starta.
Her kan du leser meir om SkulePC-ordninga til Møre og Romsdal fylkeskommune.
Nytt i 2023 er at fylkeskommunen tilbyr ein kraftigare modell til elevar som skal gå i utdanningsprogamma Medium og kommunikasjon, og Kunst, design og arkitektur.
Det har vore eit sterkt ønske frå elevar og føresette at skulen skal tilby eit idrettsfag etter at vi dessverre måtte avslutte faget Toppidrett. Vi har også no fått dei beste føresetnadane for å kunne tilby dette med den nye hallen i bygda, Volda Campus Sparebank1 Arena. Vi ønsker difor å tilby faget Breiddeidrett for elevar på Vg1 Studiespesialisering.
Elevar som vel dette faget på Vg1 vil då få fem (5) timar i veka i tillegg til dei ordinære obligatoriske timane. Dette gjer at ein på Vg3 får eit valfritt programfag mindre, som då gjev fem (5) færre timar i veka.
Om du skal gå ST og ønsker å ha breiddeidrett på Vg1 så må du legge inn det under "Merknad" i bestillingsskjemaet.
Andre val som du skal ta stilling til i skjemaet er kva målform du skal ha som hovudmål, og om du samtykker til fotografering og filming. Bur du på hybel så skriv du inn hybeladressa di. Om du ikkje veit kvar du skal bu på hybel, så kan du skrive inn adressa på eit seinare tidspunkt.
Omlag ei veke før skulestart får dei som har takka ja til skuleplass ein sms med ei lenke til ein opplæringsvideo. Videoen bør de sjå før de startar på skule til hausten. Det er mogleg å gå tilbake å sjå den igjen seinare.
Videoen vil inneholde informasjon om korleis de aktiverer brukarkonto, koplar seg på skulen sitt nettverk, korleis de nyttar Microsoft Authenticator appen og korleis de loggar på Microsoft 365.
Første skuledag vil de motta VIS-ID som de skal nytte til å aktivere brukarkontoen.
Vi tek atterhald om at datoane kan bli endra.
Dato | Frist |
---|---|
1. februar, kl 23:59 | Søknadsfrist for:
|
1. mars, kl 23:59 | Søknadsfrist for:
|
April | Svar: • til dei som har fått søknaden sin behandla med fortrinnsrett eller individuell vurdering i tidleg inntak |
15. juni | Frist for: |
23. juni | Frist for: • Fylkeskommunen må ha motteke ettersendte vitnemål innan 23. juni for at dei skal vere registrert før 1. gongs inntak |
ca. 3. juli | Svar på 1. gongs inntak |
17. juli | Svarfrist 1. gongs inntak |
ca. 3. august | Svar på 2. gongs inntak |
7. august | Svarfrist 2. gongs inntak |
21. august | Skulestart |
Dersom du har spørsmål om inntaket så er det inntakskontoret på utdanningsavdelinga som kan svare på det. Du kan ringe dei på 71 28 01 50 eller sende ein epost på inntak@mrfylke.no.
Lokal venteliste er for deg som ikkje har søkt via Vigo eller skal gjere omval. Om du skal gjere omval er det viktig at du ikkje seier frå deg skuleplassen du har fått. Då kan du risikere å stå heilt utan tilbod.
Etter 2. gongs inntak (tidlegast 10. august) vert det opna for at skulen kan ta inn elevar frå venteliste. Først vert elevar frå den ordinære ventelista tekne inn. Om det er ledige plassar etter det, så vert elevar frå lokal venteliste tekne inn.
Søkarane vert prioritert på denne måten:
For å stå på lokal venteliste så må du sende ein e-post til volda.vgs@mrfylke.no med denne informasjonen:
Vi må ha denne informasjonen skriftleg, så det hjelp ikkje å ringe til skulen. Den lokale ventelista vert behandla etter "først til mølla" prinsippet. Dvs. at de vert sett opp i den rekkefølgja vi får inn søknadane. Vi tek kontakt med deg på telefon når vi er komne til din plass på lista. Det er difor viktig at de er tilgjengelege på telefon og svarer når vi ringer. Våre nummer startar på 71 28 23 xx.
Når vi får søkarar frå andre fylke må vi ha godkjenning frå heimfylket om at søkaren har rett til skuleplass og at fylket refunderer skuleplassen. Det er eigne rutinar på dette.
Elevar som skal ta til på Vg3 påbygging skal velje eit programfag. Klikk her for å gå til skjema for å gjere valet.
Frist for val av programfag for PB er 31. juli. Dei som vert tekne inn som elevar etter denne datoen må ordne det så snart som råd.
Alle som går på vidaregåande skule, kan få stipend frå Lånekassen.
Dei fleste får berre utstyrsstipend, men nokre får også bortebuarstipend og inntektsavhengig stipend.
Stipend er ikkje det same som studielån, som studentar i høgare utdanning får. Stipend er pengar du får og ikkje må betale tilbake.
Unntaket er dersom du får utbetalt meir stipend enn du har rett til. Då må du betale tilbake det du har fått for mykje. Det kan for eksempel skje dersom du sluttar midt i skoleåret.
Utstyrsstipendet skal bidra til å dekke det du treng av utstyr på den linja du tar, som for eksempel PC eller kokkeklede. Kor mykje du får, er avhengig av kva linje du tar. Alle har krav på stipendet, men du må hugse å søke.
Det finst også stipend for deg som ikkje kan bu heime, har lang reiseveg til skulen eller kjem frå ein familie med låg inntekt. Du må oppfylle visse vilkår for å få slike stipend.
Dei som ikkje har skuleplass, må vente med å søke til dei har fått stadfesta opptak.
På nettsidene til Lånekassen kan elevane sjølv sjekke kor mykje pengar dei kan få frå Lånekassen neste studieår.
Elevar som tek vidaregåande opplæring med ungdomsrett, kan sjekke kor mykje dei kan få i lån og stipend her
Elevar som tek vidaregåande opplæring utan ungdomsrett, kan sjekke kor mykje dei kan få i lån og stipend her
Dei fleste som tek vanleg vidaregåande skule etter ungdomsskulen, har ungdomsrett.
Du må ha ein skuleplass før du søker. Det er same fristar for alle stipenda:
Har du spørsmål om informasjonen på denne sida, så kan du ta kontakt med skulen via e-post eller telefon.
E-post: volda.vgs@mrfylke.no
Telefon: 71 28 23 00
Som de aller fleste nettsteder bruker vi informasjonskapsler (cookies) for at du skal få en optimal brukeropplevelse. Vi kommer ikke til å lagre eller behandle opplysninger med mindre du gir samtykke til dette. Unntaket er nødvendige informasjonskapsler som sørger for grunnleggende funksjoner på nettsiden.
Vær oppmerksom på at blokkering av enkelte informasjons-kapsler kan påvirke hvilket innhold du ser på siden. Du kan lese mer om bruk av informasjonskapsler i vår personvernerklæring.
Under kan du se hvilke informasjonskapsler (cookies) vi bruker og hvordan du administrerer dem:
Sikrer grunnleggende funksjoner, nettstedet vil ikke kunne fungere optimalt uten slike informasjonskapsler. Disse er derfor vurdert som nødvendige og lagres automatisk uten foregående samtykke.
Skal du benytte skjema på våre nettsider? Øvrige funksjoner på siden påvirkes ikke dersom du lar være å samtykke, men vil kunne gi mindre funksjonalitet ved utfylling og lagring av skjema. Informasjonen blir slettet fra nettleseren etter 90 dager.
Disse informasjonskapslene gir oss innsikt og forståelse av hvordan nettsiden vår brukes av besøkende. Vi bruker analyseverktøyet Google Analytics som blant annet kan fortelle oss hvor lenge en bruker oppholder seg på siden eller hvilken side man kommer fra. Informasjonen vi henter er anonymisert.
Ved å huke av for denne tillater du bruk av tredjeparts-informasjonskapsler, som gjør at vi kan tilpasse innhold basert på det som engasjerer deg mest. Disse hjelper oss å vise skreddersydd innhold som er relevant og engasjerende for deg, for eksempel i form av annonser eller reklamebanner.
Tredjepartsinformasjonskapsler settes av et annet nettsted enn det du besøker, for eksempel Facebook.