Skulestart 2024

Adressa til skulen er:
Volda vidaregåande skule
Vevendelvegen 35
6102 Volda

Elevregistreringa på skolestart.mrfylke.no

Elevar som takkar ja til skuleplass på Vg1 ved Volda vidaregåande skule vil få ein sms om lag 8. august om å logge seg inn på skolestart.mrfylke.no. Der finn du viktig informasjon og du skal ein gjere nokre val. Det er viktig at de gjer desse vala så raskt som mogleg. Då er det størst sjanse for at du får det du ønsker deg.

Språkval

Elevar som har hatt framandspråk på ungdomsskulen kan velje å halde fram med det same framandspråket på nivå II, eller velje eit nytt framandspråk på nivå I. For skuleåret 24/25 tilbyr vi Fransk for dei som veljer eit nytt framandspråk. Om det er plass i nybyrjargruppene i Tysk og Spansk så kan vi også tilby det.  Elevar som IKKJE har hatt framandspråk på ungdomsskulen kan velje mellom Tysk og Spansk, som dei då må ha i tre år. 

SkulePC

Her kan du leser meir om SkulePC-ordninga til Møre og Romsdal fylkeskommune.

Fylkeskommunen tilbyr ein kraftigare modell til elevar som skal gå i utdanningsprogamma Medium og kommunikasjon, og Kunst, design og arkitektur.

Andre val

Andre val som du skal ta stilling til i skjemaet er kva målform du skal ha som hovudmål, og om du samtykker til fotografering og filming. Bur du på hybel så skriv du inn hybeladressa di. Om du ikkje veit kvar du skal bu på hybel, så kan du skrive inn adressa på eit seinare tidspunkt.

Vi tek atterhald om at datoane kan bli endra.

Dersom du har spørsmål om inntaket så er det inntakskontoret på utdanningsavdelinga som kan svare på det. Du kan ringe dei på 71 28 01 50 eller sende ein epost på inntak@mrfylke.no. 

Ofte stilde spørsmål

Lokal venteliste er for deg som ikkje har søkt via Vigo eller skal gjere omval. Om du skal gjere omval er det viktig at du ikkje seier frå deg skuleplassen du har fått. Då kan du risikere å stå heilt utan tilbod.

Etter 2. gongs inntak (tidlegast 10. august) vert det opna for at skulen kan ta inn elevar frå venteliste. Først vert elevar frå den ordinære ventelista tekne inn. Om det er ledige plassar etter det, så vert elevar frå lokal venteliste tekne inn. 

Søkarane vert prioritert på denne måten:

1. Søkarar med ungdomsrett (U)
2. Søkarar med fullføringsrett (F) eller vaksenrett (V)
3. Søkarar med ikkje-rett (I)

Du kan fylle ut skjemaet under og legge inn den informasjonen vi treng for å registrere deg.

Søke om å stå på lokal venteliste

Vi må ha denne informasjonen skriftleg, så det hjelp ikkje å ringe til skulen. Den lokale ventelista vert behandla etter "først til mølla" prinsippet. Dvs. at de vert sett opp i den rekkefølgja vi får inn søknadane. Vi tek kontakt med deg på telefon når vi er komne til din plass på lista. Det er difor viktig at de er tilgjengelege på telefon og svarer når vi ringer. Våre nummer startar på 71 28 23 xx. 

Når vi får søkarar frå andre fylke må vi ha godkjenning frå heimfylket om at søkaren har rett til skuleplass og at fylket refunderer skuleplassen. Det er eigne rutinar på dette.

Elevar som skal ta til på Vg3 påbygging skal velje eit valfritt programfag frå studieretninga for Studiespesialisering. 

Skjema for val av valfritt programfag

Frist for val av programfag for PB er så raskt som råd.

Vi har dei siste åra opna opp for at elevar på Vg1 får ta faget Breddeidrett. For skuleåret 24-25 så har vi tre grupper i faget og vi har nokre få ledige plassar som vi kan fylle opp med Vg1 elevar. Om de ønsker å ha Breddeidrett på Vg1 må de difor skrive dette inn i kommentarfeltet på skolestart.mrfylke.no når de skal bestille skulePC, m.m. Her er det førstamann til mølla som gjeld.

NB! Dei som tek Breddeidrett på Vg1 vil då få fem skuletimar meir i veka på Vg1, men er då ferdig med eit valfritt programfag og får fem færre timar på Vg3.

Stipend

Alle som går på vidaregåande skule, kan få stipend frå Lånekassen.

Dei fleste får berre utstyrsstipend, men nokre får også bortebuarstipend og inntektsavhengig stipend.

Stipend skal ikkje betalast tilbake

Stipend er ikkje det same som studielån, som studentar i høgare utdanning får. Stipend er pengar du får og ikkje må betale tilbake.

Unntaket er dersom du får utbetalt meir stipend enn du har rett til. Då må du betale tilbake det du har fått for mykje. Det kan for eksempel skje dersom du sluttar midt i skoleåret.

Vanlege stipend

Utstyrsstipendet skal bidra til å dekke det du treng av utstyr på den linja du tar, som for eksempel PC eller kokkeklede. Kor mykje du får, er avhengig av kva linje du tar. Alle har krav på stipendet, men du må hugse å søke.
Det finst også stipend for deg som ikkje kan bu heime, har lang reiseveg til skulen eller kjem frå ein familie med låg inntekt. Du må oppfylle visse vilkår for å få slike stipend.

Dei som ikkje har skuleplass, må vente med å søke til dei har fått stadfesta opptak.

Kva kan du få i stipend?

På nettsidene til Lånekassen kan elevane sjølv sjekke kor mykje pengar dei kan få frå Lånekassen neste studieår.

Elevar som tek vidaregåande opplæring med ungdomsrett, kan sjekke kor mykje dei kan få i lån og stipend her
Elevar som tek vidaregåande opplæring utan ungdomsrett, kan sjekke kor mykje dei kan få i lån og stipend her

Ungdomsrett

Dei fleste som tek vanleg vidaregåande skule etter ungdomsskulen, har ungdomsrett.

Søknadsfrist

Du må ha ein skuleplass før du søker. Det er same fristar for alle stipenda:

• 15. november for heile året eller berre haustsemesteret
• 15. mars for vårsemesteret

• Har du meir enn 6 km avstand (ein veg) mellom heim og skule kan du ha rett på fri skuleskyss. 
• Om du ønsker fri skuleskyss må du søkje du dette på skoleskyss.mrfylke.no.
• Om du allereie har eit skuleskysskort, anten frå ungdomsskulen eller vidaregåande, blir dette oppdatert (om du framleis har rett). Har du mista skuleskysskortet ditt må du kontakte oss, så vil vi bestille eit nytt. Dette kostar 100 kr.
• Har du ikkje hatt skuleskysskort før vil du få eit nytt på skulen ved skulestart.
• Du kan søke om skuleskyss etter å ha takka ja til skuleplass. Du må registrere søknaden din innan utgangen av juli for at skuleskysskortet skal vere klart til skulestart for dei elevane som ikkje har hatt skuleskyss før, eller av andre grunnar må ha nytt skuleskysskort.

Her er ein film frå Møre og Romsdal fylkeskommune om korleis du får aktivert brukarkontoen din, logga deg på nettverket på skulen, m.m.

På lenka under kjem du til ei samling med filmar på Møre og Romsdal fylkeskommune sin Youtube kanal. Her er det instruksjonsfilmar om korleis du kjem i gong med Teams, OneDrive, Microsoft 365, m.m.

Filmsamling på Møre og Romsdal fylkeskommune sin Youtube kanal

Dersom du bur på hybel så ønsker vi at du fyller ut skjemaet under, slik at vi får lagt denne informasjonen inn i det skuleadministrative systemet vårt. Dette gjeld også Vg2 og Vg3 elevane som tidlegare har sendt inn denne informasjonen. NB! Du må vere innlogga med din Microsoft365 brukar for å få svare på skjema. Nye elevar må difor fylle ut dette etter at konto er aktivert.

Hybelbuarskjema