Minnefond
Utlysing av stipend – minnefond etter Olav Riste
Borna etter grunnleggjaren og første rektoren ved Volda Landsgymnas, Olav Riste, etablerte i 2000 eit minnefond. Av fondet skal det utbetalast stipend til uteksaminerte elevar ved Volda vidaregåande skule.
Fondet kan søkjast av elevar på Vg3 ved Volda vidaregåande skule.
Stipendet skal nyttast i påfølgjande år, og stipendmottakaren leverer ein kort rapport og eit føredrag tilbake til skulen året etter at stipendet er motteke.
Søknaden skal ta utgangspunkt i FN sine berekraftsmål, og prosjektet eller tiltaket skal vere knytt til eitt eller fleire av desse.
Stipendet er tenkt som støtte for å gjennomføre prosjektarbeid, studietur, hospitering eller liknande.
Formålet er å setje fokus på temaet berekraft, med særleg vekt på korleis ungdommar kan bidra og medverknad til at ein kan nå berekraftsmål. Dette kan vere i form av eige prosjekt, deltaking i andre sine prosjekt, eller at ein er hospitant, observatør til eit prosjekt som du deretter gir ei framstilling av.
Når stipendet er brukt, krev styret tilbakemelding om bruken, i form av eit føredrag for elevar og tilsette på skulen.
Styret for minnefondet har bestemt at det skal lysast ut stipend på kr. 10 000.- i 2023.
Val av prosjekt som får tildelt stipend vert gjort av styret i samråd med elevrådet sin leiar og nestleiar for skuleåret 2023/2024.
Søknadsfrist: 10.08.2023.
Dersom du har spørsmål, ta kontakt med styreleiar, Trond Hjelseth.