Vi inviterer med dette til orienteringsmøte - Vg2, Volda vgs
Tysdag 2. september 2025 kl 18.30 i Festsalen, Øvre bygg
Program:
· Orientering om skulen: organisering av skulekvardagen, informasjonskanalar, læringsplattformer, elevutstyr, reglement, programfagstilbodet, samarbeid skule-heim mv.
· Val av foreldre-/føresetterepresentant til Skuleutvalet
· Klassevise møte med kontaktlærar
Val av representantar til Skuleutvalet:
Sjå funksjonsskildring for Skuleutvalet nedanfor*
Skuleutvalet skal mellom anna ha ein foreldrerepresentant m/vara som blir valt kvart år, med funksjonstid 1 år. Av praktiske grunnar må valet skje på dette informasjonsmøtet, og vi inviterer til at villige personar melder seg til skulen, gjerne på førehand. Dersom vi får fleire kandidatar, vert det gjennomført skriftleg val. Valresultatet vert presentert på skulen si heimeside (www.volda.vgs.no), når oppteljing er gjennomført. Skuleutvalet vil ha om lag 3 møte i året, på dagtid (normalt i tida 12-15). Honorar for foreldrerepresentant er p.t kr. 1600.- pr møte. Om du kan tenkje deg å stille til val, så meld deg via e-post til rektor, på følgjande e-postadresse: trond.hjelseth@mrfylke.no
Hjarteleg velkomne!
Med vennleg helsing
VOLDA VIDAREGÅANDE SKULE
Trond Hjelseth
rektor
*Skolereglar – organisering av elevdemokratiet.
Vedteke i fylkestinget (M & R) juni 2024.
KON-§ 10-5 Reglar for skoleutvalet
Føremål
SIkre at elevane og foreldra får vere med på å planleggje, gjennomføre og vurdere verksemda til skolen, mellom anna arbeidet med skolemiljøet, kvalitetsutvikling i opplæringa og fastsetjinga av skolereglar jmf. § 10-4
Omfang/Virkeområde
Dei vidaregåande skolane i Møre og Romsdal fylkeskommune
Ansvar og mynde
Rektor
Aktivitet/skildring
Ved kvar vidaregåande skole skal det vere eit skoleutval
Skoleutvalet skal vere sett saman av:
•Rektor, ein tilsett (2 år), 3-4 elevar(1 år), 1 føresett til elev på vg1-nivå (1 år) , 1 føresett til elev på vg2-nivå (1 år), og 1-2 representantar frå det lokale samfunns- og næringsliv (2 år).
•Rektor har rett til å møte, tale og kome med framlegg
•Det skal vere minimum 3 møter i utvalet per år, elevane kan be om fleire møter
•Dei som blir valt kan sjølv vere valte elevrådsrepresentantar, eller dei kan vere elevar som har særskilt interesse for å arbeide med skolemiljøet.
Oppgåver til skoleutvalet:
•Skoleutvalet har rett til å uttale seg i alle saker som gjeld skolen.
•Skolemiljøet
•Planleggje, gjennomføre og vurdere verksemda til skolen, mellom anna arbeidet med skolemiljøet, kvalitetsutvikling i opplæringa og fastsetjinga av skolereglar.