Mål
Både Barnekonvensjonen og Opplæringslova kapittel 9A, er sentralt i arbeidet med det psykososiale- og det fysiske miljøet. Alle skal oppleve å vere ein del av det faglege og sosiale fellesskapet, både på digitale og andre sosiale arenaer, slik at dei meistrar liva sine. Elevhandboka er delt inn i to delar – det systemretta arbeidet og det individretta arbeidet.
Overordna mål
Møre og Romsdal fylkeskommune skal, med bakgrunn i opplæringslov og forskrift for miljøretta helsevern i barnehager og skule, jobbe aktivt og systematisk for å sikre elevane eit godt og trygt fysisk og psykososialt miljø som fremjar helse, trivsel, inkludering og læring.
Gjennom eit integrert HMS-arbeid for både tilsette og elevar på skolane ønsker fylkeskommunen å førebygge
- personulykke og helseskadar
- skadar på det indre og ytre miljø
- materielle skadar og driftsavbrot
- fråfall frå vidaregåande opplæring
Delmål for arbeid med skulemiljø
Kompetansesjefen har fastsett sentrale delmål (Fylkesstrategi for kvalitet i vidaregåande opplæring)for det elevretta HMS-arbeidet.
- Skulane skal ha eit system som tilfredsstiller kapittel 9 A i Opplæringslova
- Skulane må sørge for å implementere nødvendige rutinar for saksbehandling av saker knytt til elevane sitt psykososiale miljø i tråd med lov og forskrift
- Det skal arbeidast aktivt for å involvere elevane og utvala der elevar deltek (skulemiljøutval, skuleutval og elevråd) for at elevane skal vere medspelarar i skulesamfunnet, og oppleve reell medverknad i eigen skulekvardag.
- Det systematiske HMS-arbeidet i skulen skal inngå i ein fast årleg syklus
- Skolane skal aktivt bidra til at saker som gjeld elevane sin skulekvardag vert handsama i elevrådet, skulemiljøutvalet og skuleutvalet.
- HMS-årsrapportering/årsrapporten til skulen skal behandlast i arbeidsmiljøutvalet (AMU) og i skulemiljøutvalet (SMU).
Retningsmål Volda vidaregåande skule
Vi skal ha eit godt fysisk og psykososialt miljø som fremjar helse, trivsel, arbeidslyst, læring og utvikling for både elevar og tilsette, på vegen mot høgare mål.
Resultatmål Volda vidaregåande skule
- Her må elevrådet vedta lokale resultatmål.